السلام عليكم
كثير من الشباب الي اعرفهم عن طريق النت يستغربوا لما يعرفوا اسم تخصصي الي انا فيه ..
التخصص اسمه لوجيستكس, و هو بصراحة تخصص جداً جميل و مسلي, و مستقبله ان شاء الله مضمون!
تخصصي بختصار يتكلم عن انك كيف ممكن تنقل و تحرك البضائع, الناس, المعلومات, المواد الخام, و اي شي اخر يخطر على بالك, بأرخص سعر و اسرع طريقة!
طبعاً هذا بشكل جداً مختصر, و العملية هذي تتضمن مجموعة عمليات اخرى كثيرة جداً و معقدة و منشابكة ببعضها, و انت مهمتك انك تحلل هذي العمليات و تبسطها و ترتبها و تنسقها و تربطها ببعض بعد ما تبسطه و بعدها ممكن تبتدي تفكر في انك تسوي الشغل ..
التخصص هذا له وجهتين او منحنيين, الأول و هو الإتجاه التجاري, و هو مثل ما قلت لكم كيف تنقل اي شي في الدنيا من مكان لمكان او من بلد لبلد (ممكن تنقل مصانع و مطارات مجهزة من بلد لأخر) بأرخص سعر و اسرع طريقة ..
الإتجاه الأخر هو إتجاه عسكري, و هو يتضمن انك تحرك جيشك و جنودك من منطقة لأخرى بجميع معداتهم و ادواتهم بأقل خسائر ممكنة و بأسرع وقت ممكن و اقل تكاليف ممكنة ..
معظم شغلنا يكون على البحر او في المطارات, لأن النقل الجوي و النقل البحري هم اكثر انواع النقل إنتشاراً و اضمنهم, و معظم الشركات تفضل النقل البحري, لأن النقل البحري ارخص انواع النقل و أمن و يشيل اكبر كمية ممكنة .. لأن تقريباً حوالي 50% الى 60% من سعر المنتج يكون بسبب تكاليف النقل! لهذا الشركات صارت جداً جداً جداً تهتم بالنقل!
التخصص هذا منتشر جديد, و الدولة العربية الوحيدة الي فيها هذا التخصص حالياً هي مصر و الجامعة الوحيدة في الوطن العربي الي تدرس هذا التخصص هي الجامعة الي انا فيها, الي اسمها: الأكديمية العربية للعلوم و التكنلوجيا و النقل ..
لول ان شاء الله كذا اكون عطيتكم فكرة مختصرة عن تخصصي !
